Nimo dróhotwara planuja w Miłoćicach dalše wobšěrne dźěła
Miłoćicy (SN/MWj). Sewjernje Miłoćic nastanjetej hrjebja a nasyp, kotrejž matej wjes při sylnych zliwkach před wulkej wodu škitać. Tónle projekt je dr. Ralf Hennig z Drježdźanskeho inženjerskeho běrowa na wčerawšim posedźenju Njebjelčanskeje gmejnskeje rady w Miłoćicach předstajił. Zwoprawdźić chcedźa tole w zwisku z planowanym dróhotwarskim projektom. Tón předwidźi wutwar puća wot Serbskopazličanskeho kružneho wobchada přez Miłoćicy a dale hač k statnej dróze S 100 južnje wsy.
