Dorosćenym a dźěćom són spjelnili

póndźela, 19. septembera 2016
artikl hódnoćić
(0 )
Na kromje Wotrowskeho sportnišća maja nětko nowe hrajkanišćo. Před lětomaj běchu je w Pančicach-Kukowje wottwarili a z wulkej prócu sporjedźeli a ponowili. Wčera móžachu je dźěći skónčnje prěni raz wužiwać.  Foto: Marian Wjeńka Na kromje Wotrowskeho sportnišća maja nětko nowe hrajkanišćo. Před lětomaj běchu je w Pančicach-Kukowje wottwarili a z wulkej prócu sporjedźeli a ponowili. Wčera móžachu je dźěći skónčnje prěni raz wužiwać. Foto: Marian Wjeńka

Nowe sportnišćo wyše wosadneje cyr­kwje je drje najwobšěrniše předewzaće, kotrež je Wotrowska wjesna rada z njeličomnymi pomocnikami minjene lěta zeskutkowniła. Nětko maja tam samo hrajkanišćo.

Wotrow (SN/MWj). Po wjacorych lětach prócowanja su sej we Wotrowje wulki són spjelnili. Tam maja nětko zjawne hrajkanišćo. Po wčerawšich dopołdnišich kemšach je farar Daniel Dzikiewicz požohnowa. Swjatočnosć je holča šola hudźbnje wobrubiła.

Hrajkanišćo su sej před lětomaj z klóstra Marijineje hwězdy w Pančicach-Kukowje do Wotrowa přiwjezli. W klóštrje je hižo njetrjebachu, zo pak bychu je preč ćisnyli, bě přeškoda. Tuž Wotrowčenjo jednotliwe dźěle wottwarichu, je domoj dowjezechu a najprjedy raz na farskim dworje składowachu. We wulkej Weclichec bróžni nastroje w běhu časa krok po kroku sporjedźachu, přetwarichu, wobarbichu a je skónčnje na ležownosći na kromje noweho sportnišća bjezposrědnje při farskej zahrodźe nastajichu. Ležownosć słuša cyrkwi, gmejna pak ju wotnaja.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

  • Sobotu, 17. febraura,  měješe lětuša inscenacija „Paradiz w dobrej stwě“ Němsko-Serbskeho ludoweho dźiwadła na hłownym jewišću w Budyšinje premjeru. Tule podawamy wam někotre fotowe impresije z přemjerneho předstajenja a z premjerneho swjedźenja. Při

nowostki LND