Wóń klóštra sej sobu domoj wzać

póndźela, 05. decembera 2016
artikl hódnoćić
(0 )
Za klóštrom wonjacu swěčku z pčolaceho wóska předstaji nawoda dźěłarnjow za zbrašenych  Andreas Ošika sobotu w klóšterskim wobchodźe. Farar Tomasz Dawidowski  (wotprawa) je prěnje swěčki požohnował.  Foto: Marian Wjeńka Za klóštrom wonjacu swěčku z pčolaceho wóska předstaji nawoda dźěłarnjow za zbrašenych Andreas Ošika sobotu w klóšterskim wobchodźe. Farar Tomasz Dawidowski (wotprawa) je prěnje swěčki požohnował. Foto: Marian Wjeńka

Pančicy-Kukow (SN/MWj). Nowu a wosebitu swěčku su sobotu prěni raz na dohodownych wikach w klóštrje Marijinej hwězdźe w Pančicach-Kukowje prezen­towali. Nastała bě wona w dźěłarnjach za zbrašenych swj. Michała, kaž jeje nawoda Andreas Ošika tójšto zajimcam w klóšterskim wobchodźe rozłoži. Z krótkim nyšporom je farar Tomasz Dawidowski swěčku sobotu požohnował.

Wuchadźišćo noweho produkta bě prašenje, za čim klóšter wonja. Za Andreasa Ošiku, kiž bě tu sam něšto lět ministrant, su to hłownje woruch, drjewo a knihi. A wóń tychle třoch su spytali do wosebiteje swěčki zapřijeć. Kupc dóstanje ju na keramiskim talerju, nastatym w dźěłarni za zbrašenych. Połkulowaty pčolacy wósk tež bjez zapaleneje swěčki zajimawje wonja. Tale wóń so hišće zesylni, hdyž tak mjenowanu čajowu swěčku zaswěćiš. Tole móhło runje nětko spodobny hodowny darik być, kotryž poskićeja­ w Pančičansko-Kukowskim klóšterskim wobchodźe runje tak kaž w dźěłarnjach za zbrašenych swj. Michała.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND