Mysla na hody

štwórtk, 29. decembera 2016
artikl hódnoćić
(0 )
Budyšin (SN). Lědma zo su předawanske budki lětušich Budyskich Wjacławskich wikow wottwarjene, mysla w Budyskej radnicy hižo na klětuše dohodowne wiki, kotrež maja so potom wot 1. do 23. decembra wotměć. Za nje pytaja wikowarjow, rjemjeslnikow a gastronomow. Zajimcy měli so hač do 28. februara 2017 w měšćanskim zarjadnistwje pisomnje přizjewić. Dokładny tekst wupisanja je intenetnje pod www.bautzen.de/ausschreibungen přistupny. Z njeho mjez druhim wučitaš, zo prócuja so wo adwentny a romantiski flair. Wosebje požadane su tematiske předawanske budki, wěnowace so Budyskej a hornjołužiskej tematice abo powědkowym postawam.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND