Łaz (AK/SN). Gmejna Łaz chce dwukolijowy wutwar elekrifikowaneje železniskeje čary Delnjošleskeje magistrale z Wojerec hač na pólsku hranicu aktiwnje přewodźeć. Tole podšmórny wjesnjanosta Thomas Leberecht (CDU) na swojej prěnjej informaciskej hodźinje předwčerawšim we Łazu. „Kónc lěta 2018 chce Němska železnica čaru wobchadej přepodać. Wona natwari we Łazu nowy, tak mjeno­wany zastawanski dypk“, wjesnjanosta wujasni. „Jako gmejna chcemy k projektej z parkowanišćom a z turistiskej informaciskej taflu přinošować.“