Brětnja-Michałki (UH/SN). Na 41. němsko-serbskich wjesnych swjedźenskich hrach w Brětni Michałkach minjeny kónc tydźenja njebě jenož kołowokoło wobydlerskeho domu wjele wopytowarjow, ale sobotu popołdnju tež na Hłownej dróze. Tam čakachu na małych a wulkich akterow zabawne a žortne hry, čehoždla bě wjes za wobchad zawrjena. Zahajili pak běchu swój swjedźeń hižo pjatk z 18. nócnym wubědźowanjom wohnjowych woborow. Najspěšniši běchu tónraz Sulšečanscy kameradojo před tymi z Łutow.