Třeći Blackbird-run kiwa

pjatk, 01. septembera 2017
artikl hódnoćić
(0 )
Minjene dny su w Hózku wšitko za njedźelny Blackbird-run přihotowali. 330 bě harkow  a běharjow chce tam startować.  Foto: Gernot Menzel Minjene dny su w Hózku wšitko za njedźelny Blackbird-run přihotowali. 330 bě harkow a běharjow chce tam startować. Foto: Gernot Menzel

Hózk (SN). Běhać, łazyć, krosnować a so poćić – běh přez zadźěwki Blackbird-run njedźelu, 3. septembra, w Hózku woznamjenja napinanje a zdobom wjeselo. Na dwanaće kilometrow dołhej čarje dyrbja wobdźělnicy zadźěwki kaž krosnowanske sćěny a błóćane jamy přewinyć.

Lětuši běh žada sej wot atletow nimo kondicije tež móc a wušiknosć. Šěsć kilometrow dołhi parcours podłu Čorneho Halštrowa z 15 zadźěwkami dyrbja běharjo dwójce zmištrować. W 14 hodź. je start při Hózkowskim młodźinskim klubje, hdźež budźe tohorunja cil. Běharjo móža so hižo wot 11 hodź. registrować dać. Wězo su tež přihladowarjo w prawje wulkej ličbje witani.

Běh přez zadźěwki zmištruja trenowani sportowcy runje tak kaž hobbyjowi běharjo. „Lětuša čara je hišće bóle napinaca hač zašłej razaj. Tróšku sportowje fit žno dyrbjeli wobdźělnicy być“, praji sobuorganizator Roland Salowsky. „Při­wšěm měła při dračinje po čarje zabawa w srjedźišću stać.“

wozjewjene w: Lokalka
Prošu přizjewće so, chceće-li komentar podać

nawěšk

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.

nowostki LND