Twjerdźizna budźe hospic

póndźela, 04. septembera 2017
artikl hódnoćić
(0 )
René Rixrath, Stephan Wilinski, Volker Krolzik a Gerd Lehmann z Budyskeje diakonije kaž tež wyši měšćanosta Biskopic Holm Große a planowar Daniel Neuer (wot lěwa) maja hłowny podźěl na tym, zo zaćehnje do Biskopičanskeje twjerdźizny (w pozadku) stacionarny hospic.  Foto: Uwe Menschner René Rixrath, Stephan Wilinski, Volker Krolzik a Gerd Lehmann z Budyskeje diakonije kaž tež wyši měšćanosta Biskopic Holm Große a planowar Daniel Neuer (wot lěwa) maja hłowny podźěl na tym, zo zaćehnje do Biskopičanskeje twjerdźizny (w pozadku) stacionarny hospic. Foto: Uwe Menschner

Nowy přichod za najstarše twarjenje Biskopic našli

Biskopicy (UM/SN). Towaršnosć Křesćanski hospic wuchodneje Sakskeje je dlěši čas za kmanym městnom za swój druhi stacionarny hospic pytała, po tym zo prěni hižo w Ochranowje wuspěšnje wjedźe. Runočasnje pytaše město Biskopicy za móžnosću, kak wužiwać najstarše twarjenje města, w 13. lětstotku natwarjenu twjerdźiznu, znatu w měsće pod němskim mjenom Fronfeste. Nětko su so rozsudźili, tam nowy hospic zaměstnić.

„Z Biskopicami smy najkmańše městno za hospic namakali“, praji Volker Krolzik, jednaćel Budyskeje diakonije, kotraž je na Křesćanskim hospicu wuchodneje Sakskeje wobdźělena. Bywše wokrjesne město Biskopicy je wot Ochranowa dosć zdalene a wuprudźa hač do Drježdźanskeho regiona a do Sakskeje Šwicy. „Smy dołho wo móžnosći noweho wužiwanja twjerdźizny rozmyslowali. Nětko sym jara zbožowny“, rozłožuje­ Robert Geburek. Jako čłon spěchowanskeho­ towarstwa twjerdźizny dźěła wón za Budysku diakoniju a je swojich šefow na historiski twar skedźbnił.

wozjewjene w: Socialne
Prošu přizjewće so, chceće-li komentar podać

nawěšk

  • Minjenu njedźelu wotmě so w Blunju 11. serbski ewangelski domizniski dźeń. Tule nańdźe někotre fotowe impresije ze swjedźenja, kotrež je Janek Wowčer zapopadnył.
Am 17. Juni fand in Bluno der 11. sorbische evangelische Heimattag statt. Hier finden si

nowostki LND