Z dalšim mužom NDP rěčał

pjatk, 15. septembera 2017
artikl hódnoćić
(0 )

Budyšin (SN/at). Jenož něšto dnjow do wurjadneho posedźenja Budyskeho wo­krjesneho sejmika zadźerženja zastupowaceho krajneho rady Uda Wićaza (CDU) dla bu dalši kontakt komunalneho politikarja z NDP znaty. Tak njeje Udo Wićaz jeno z mužom NPD Marcom Wruckom rozmołwu měł a na Facebooku z nim chattował, ale je so nimo toho z nowym Budyskim wo­krjesnym předsydu NDP Jürgenom Kühnom rozmołwjał. Budyski krajnoradny zarjad kontakt wobkrući. Kühn bě 11. awgusta naraz „wo durje klepał“ a chcyše wo tym informować, zo Wruck hižo wokrjesny předsyda NDP njeje, ale wón. Referent w běrowje krajneho rady Tobias Schilling rěči wo krótkej rozmołwje mjez Wićazom a Kühnom. Tón pak sćelakej MDR rjekny, zo bě 45 minutow z Wićazom rěčał.

Tak njeje połoženje za čoło Budyskeho krajnoradneho zarjada jednoriše, wšako so cyła wěrnosć hakle poněčim wukopa. Lěwica, SPD a Zeleni čuja so wobkrućeni, zo njemóže Udo Wićaz dlěje w zastojn­stwje wostać.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND