Malešy a Kubšicy zhromadnje

štwórtk, 12. oktobera 2017
artikl hódnoćić
(0 )
W Budyšinku je Malešanski wjesnjanosta Matthias Seidel (srjedźa) při połoženju zakładneho kamjenja za nowy nadkomunalny wohnjowoborny depot wosebitu kasetu z komunalnymi dokumentami do fundamenta tyknył.  Foto: Carmen Schumann W Budyšinku je Malešanski wjesnjanosta Matthias Seidel (srjedźa) při połoženju zakładneho kamjenja za nowy nadkomunalny wohnjowoborny depot wosebitu kasetu z komunalnymi dokumentami do fundamenta tyknył. Foto: Carmen Schumann

Je tomu prěni króć, zo twarja w Budyskim wokrjesu nadkomunalny wohnjowoborny depot. To rěka, zo budźetej tón dwě gmejnje přichodnje zhroma­dnje wužiwać a wudźeržować.

Budyšink (CS/SN). W Budyšinku nastawa twarjenje, w kotrymž změjetej Přiwčanska a wohnjowa wobora z Budyšinka – Malešanska gmejna – kaž tež wohnjowa wobora z Poršic – gmejna Kubšicy – zhromadnje swój domicil. Tuž so komunje z Malešec a Kubšic tež ruku w ruce wo to staratej, zo budu wšitke hašenske a dalše nastroje přeco w najlěpšim stawje a změjetej wudźeržowanje depota zhromadnje w horšći.

Z tejele přičiny staj Malešanski wjesnjanosta Matthias Seidel (CDU) a jeho kolega Olaf Reichert (njestronjan) z Kubšic wutoru w Budyšinku zakładny kamjeń połožiłoj. Nowy depot dyrbja twarić, dokelž je wulka woda w lětomaj 2010 a 2013 na twarjenomaj w Budyšinku a Přiwćicach wulku škodu načiniła. Dźakowano stoprocentnym spěchowanskim srědkam z fondsa za wotstronjenje škodow wulkeje wody móža nětko zhromadnje wužiwajomny skład na wěstym městnje w Budyšinku natwarić. Depot budźe wot wšěch třoch woborow přeco derje docpějomny.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu njedźelu wotmě so w Blunju 11. serbski ewangelski domizniski dźeń. Tule nańdźe někotre fotowe impresije ze swjedźenja, kotrež je Janek Wowčer zapopadnył.
Am 17. Juni fand in Bluno der 11. sorbische evangelische Heimattag statt. Hier finden si

nowostki LND