Chrjebja (JoS/SN). „2017 bě za mnje přerězne lěto“, měnješe hatar Rüdiger Richter sobotu na kromje wułójenja rybow z Čorneje truhi. Chrjebjan bě w swojim najwjetšim haće něhdźe 20 tonow karpow a hač do 15 tonow linow plahował. 15 rybarjow bě sobotu zasadźenych, k tomu dalši pomocnicy. Kelko rybow Rüdiger Richter lětsa dohromady ze swojich hatow wułóji, nochcyše wón hišće trochować, wšako bě Čorna truha sobotu hakle prěni z wjetšich hatow jeho zawoda. Karpy waža po jeho informacijach lětsa přerěznje pjeć puntow. Hladajo na dobry poskitk wody běchu so rybarjo trochu ćešich eksemplarow nadźijeli.