Poslednju kermušu swjećili

póndźela, 20. nowembera 2017
artikl hódnoćić
(0 )
Pola Čornakec w Šešowje zhromadźichu so ke kermušnemu kofejej Aleksander, mać Zuzana, Bosćij, nan Tomaš a wowka Hanni (wotlěwa). Foto: Alfons Handrik Pola Čornakec w Šešowje zhromadźichu so ke kermušnemu kofejej Aleksander, mać Zuzana, Bosćij, nan Tomaš a wowka Hanni (wotlěwa). Foto: Alfons Handrik

Z delanskej kermušu skónči so wčera lětuši cyklus kermušow, zahajeny 27. awgusta we Wósporku. Tomu slědowaše dalšich dźesać njedźelow kermušneho swjedźenjowanja w nimale 400 wsach a městach Hornjeje Łužicy.

Ralbicy (aha/SN). Najwjace wosadow swjećeše 5. nowembra z Njebjelčanskej a Baćonskej, hdyž zhladowachu tež ewangelscy wěriwi w Poršicach, Male­šecach, Minakale, Rakecach a Delnim Wujězdźe kaž tohorunja Budyska Michałska wosada na poswjećenje swojeje cyrkwje.

Na Božej mši wčera w Ralbičanskej wosadnej cyrkwi, kotruž stej cyrkwinski chór Lilija z dirigentku Bernadet Šołćinej a Ralbičanski pozawnowy orchester pod nawodom Joachima Dučmana dostojnje wobrubiłoj, witaše farar Šćěpan Delan tež bywšich wosadnych, kotřiž mjeztym za mjezami Łužicy bydla. Dawno je w Konjecach z tradiciju, zo přewjeduja tam kermušne reje. Tomu bě lětsa druhi raz tež w Smjerdźacej tak, hdźež běchu so wohnjowa wobora zhromadnje z wjesnej radu a z kapału Privileg wo lóštnu zabawu postarali. Tež w Ralbicach bě młodźina reje wuhotowała.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu njedźelu wotmě so w Blunju 11. serbski ewangelski domizniski dźeń. Tule nańdźe někotre fotowe impresije ze swjedźenja, kotrež je Janek Wowčer zapopadnył.
Am 17. Juni fand in Bluno der 11. sorbische evangelische Heimattag statt. Hier finden si

nowostki LND