Zabawjeli so a pomhali

póndźela, 11. decembera 2017
artikl hódnoćić
(0 )
Kaž hižo w zašłych lětach bě sobotny beneficny koncert skupiny PoŠtyrjoch a jeje přećelow w Jasčanskej Rynčec bróžni připosłucharjam wulke dožiwjenje. Na dostojne a runje tak lóštne wašnje zamóchu spěwarjo a hercy młódši kaž tež starši publikum putać a zwjeselić. Na kóncu nazběrachu 1 200 eurow na dobro sebjepomocneje skupiny Xeroderma Pigmentosum.  Foto: SN/M. Bulank Kaž hižo w zašłych lětach bě sobotny beneficny koncert skupiny PoŠtyrjoch a jeje přećelow w Jasčanskej Rynčec bróžni připosłucharjam wulke dožiwjenje. Na dostojne a runje tak lóštne wašnje zamóchu spěwarjo a hercy młódši kaž tež starši publikum putać a zwjeselić. Na kóncu nazběrachu 1 200 eurow na dobro sebjepomocneje skupiny Xeroderma Pigmentosum. Foto: SN/M. Bulank

Wjele připóznaća za koncert skupiny PoŠtyrjoch a jeje přećelow

Jaseńca (SN/MWj). Kopatej połnej běštej garaža a před njej stan na Rynčec statoku w Jaseńcy, hdźež staj Florian Rynč a spěwna skupina PoŠtyrjoch sobotu wječor mjeztym hižo sedmy raz beneficny koncert wuhotowałoj. Program skićeše dobru měšeńcu mjez znatymi a nowymi pěsnjemi skupiny, w kotrejž skutkuja Krystof a Jan Rjeda, Beno Hojer a Marek Rjelka. Tak dožiwi po tradicionalnym spěwnym zaćahu titl „Po štyrjoch žno je“ swoju premjeru. Tekst na znatu melodiju Marianny Rosenberg spisał bě Jan Rjeda. Z jeho pjera pochadźeja tohorunja linki znatych spěwow kaž „Do piwa dam“ abo „Jurij“. Z hosćom bě lětsa Sorbian Art Trio, wustupowace tónkróć jako štwórtka ze Symanom Hejdušku, Janom Brězanom, Symanom Handrikom a Jurjom Hantušom. Młodźi hudźbnicy zanjesechu instrumentalne runje tak kaž spěwne kruchi a přeprosychu publikum na wulki koncert pod hesłom „Trio a kumple“ 30. decembra w Radworskej „Meji.

wozjewjene w: Socialne
Prošu přizjewće so, chceće-li komentar podać

nawěšk

  • Minjenu njedźelu wotmě so w Blunju 11. serbski ewangelski domizniski dźeń. Tule nańdźe někotre fotowe impresije ze swjedźenja, kotrež je Janek Wowčer zapopadnył.
Am 17. Juni fand in Bluno der 11. sorbische evangelische Heimattag statt. Hier finden si

nowostki LND