Basnje a spěwy wokřewjace a wobohaćace

wutora, 13. februara 2018
artikl hódnoćić
(0 )
Beno Budar, Marko Rab, Monika Kochowa (wotlěwa) a dalši čłonojo Róžeńčanskeho kružka pisacych wuhotowachu minjenu sobotu literarno-hudźbny wječor w Chróšćanskej putniskej hospodźe.  Foto: Feliks Haza Beno Budar, Marko Rab, Monika Kochowa (wotlěwa) a dalši čłonojo Róžeńčanskeho kružka pisacych wuhotowachu minjenu sobotu literarno-hudźbny wječor w Chróšćanskej putniskej hospodźe. Foto: Feliks Haza

Chrósćicy (MG/SN). „Ja was wšitkich witać mam, lubje witajće dźens k nam. Hdyž so z nami schadźujeće, wěmy, zo so radujeće: Před 55 lětami so naš kružk ­załoži. Z tołsteje mapy smy wubrali tu za was někotre přinoški.“ Takle witaše ­Monika Kochowa minjenu sobotu wopytowarjow literarno-hudźbneho wječora w Chróšćanskej putniskej hospodźe. Wona a dalši čłonojo Róžeńčanskeo kružka pisacych – wuměłski nawoda Beno Budar, Katrin Domašcyna a Marko Rab – čitachu basnje a krótke powědki. Marija Šołćina postara so wo hudźbne wobrubjenje na gitarje a ze swójskimi spěwami. Na wulkotne wašnje zastupjenej běštej dalšej čłonce kružka, kotrejž njemóžeštej wosobinsce přitomnej być – Borbora Mikławškowa a Blandina Ledźborjowa: Pjeć holcow, wnučki Borbory Mikławškoweje, čitaše wotměnjejo jeju teksty. To bě wokřewjace a wobohaćace. Je dźě to znamjo, zo hižo młoda generacija so započina za basnjenje zajimować. Nimo toho zawjeselichu wone wopytowarjow póstnisku sobotu w póstniskich kostimach.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu njedźelu wotmě so w Blunju 11. serbski ewangelski domizniski dźeń. Tule nańdźe někotre fotowe impresije ze swjedźenja, kotrež je Janek Wowčer zapopadnył.
Am 17. Juni fand in Bluno der 11. sorbische evangelische Heimattag statt. Hier finden si

nowostki LND