Miłoraženjo chcedźa do Slepoho

pjatk, 06. apryla 2018
artikl hódnoćić
(0 )
Tu na sewjernu kromu Slepoho na Lěšćanskim puću chce so wjetšina wobydlerjow Miłoraza přesydlić a sej dom natwarić.  Foto: Joachim Rjela Tu na sewjernu kromu Slepoho na Lěšćanskim puću chce so wjetšina wobydlerjow Miłoraza přesydlić a sej dom natwarić. Foto: Joachim Rjela

Trjebin (AK/SN). Na bórzomne přesydlenje Miłoraza so Trjebinska gmejna dale zaměrnje přihotuje. Kaž wjesnjanosta Waldemar Locke (CDU) na posedźenju gmejnskeje rady zawčerawšim rjekny, bě so srjedź měrca přihotowanska skupina zešła. „27 wobsedźerjow domow a šěsć podružnikow z Miłoraza je so za městnosć při Lěšćanskim puću na sewjeru Slepoho zapisać dało. Štyrjo zajimcy chcedźa so porno tomu do Trjebina přesydlić. Tak su so nimale wšitcy wobsedźerjo domow za přesydlensku městnosć rozsudźili“, rozprawješe wjesnjanosta radźićelam. Tamni maja za to hišće hač do 16. apryla chwile. Prěnje rozmołwy z koncernom LEAG budu 20. apryla.

Krótko do jutrow su Trjebinscy a Slepjanscy radźićeljo hromadźe ze zastupjerjemi energijoweho koncerna we Wochožanskej brunicowej jamje byli a zhonili, kak ma so wona dale rozpřestrěwać. Nimo toho wobhladachu sej najnowše wurywanki z bronzoweje doby blisko Trje­bina. Tam běchu archeologojo prěni raz w Sakskej zwisowace sydlišćo z toho časa namakali, jenož něšto centimetrow pod lěsnej pódu.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND