Krokodil na zahrodźe

pjatk, 14. septembera 2018
artikl hódnoćić
(0 )
W Pančičansko-Kukowskej pěstowarni móža dźěći nětko na krokodilu jěchać.  Foto: Maik Brězan W Pančičansko-Kukowskej pěstowarni móža dźěći nětko na krokodilu jěchać. Foto: Maik Brězan

Pančicy-Kukow (mbr/SN). Wćipne dźěći pěstowarnje w Pančicach-Kukowje, kotrejež nošer je Křesćansko-socialny kubłanski skutk (CSB), su minjene dny wobkedźbowali, što so na jich zahrodźe stawa. Tam nastajichu šef zahrodotwarskeje firmy „Gartenart“ Měrćin Kral a jeho sobudźěłaćerjo na hrajkanišću někotre nowe drjewjane nastroje, po kotrychž móža dźěći krosnować a balansować.

Zawčerawšim móžachu hrajkanišćo pěstowarnje swojemu zaměrej přepodać. Po zhromadnym spěwje su zamołwity za kubłanišća pola CSB Rony Škoda kaž tež Měrćin Kral a nawodnica pěstowarnje Petra Bačcyna banćik přetřihali. Dźěći na to hnydom nowe móžnosće wupruwowachu. Wosebje rězbarjeny krokodil jim wulke wjeselo wobradźa.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND