Słónco kěrluše přewodźało

wutora, 23. apryla 2019
artikl hódnoćić
(0 )
Na mnohich městnach skićachu so jutrowničku rjane napohlady, hdyž křižerjo po kćějacej přirodźe jěchachu, kaž tule na kromje Baćonja, jako Radworski procesion do wsy přijěcha. SN/Hanka Šěnec (1), Gernot Menzel (1), SN/Maćij Bulank (3) Na mnohich městnach skićachu so jutrowničku rjane napohlady, hdyž křižerjo po kćějacej přirodźe jěchachu, kaž tule na kromje Baćonja, jako Radworski procesion do wsy přijěcha. SN/Hanka Šěnec (1), Gernot Menzel (1), SN/Maćij Bulank (3)
Njebjelčicy (SN/MiR). Njebjelčanski křižerski procesion ličeše lětsa 102 křižerjej, runje telko kaž loni. Wosadny farar Michał Nawka jich na puć do Wotrowa wužohnowaše. Mjez nimi běchu dwaj ze zelenym a třo ze slěbornym wěnčkom. „Smy z wotběhom procesiona jara spokojom“, rjekny kantor Jan Smoła. „Dźakowni smy wosebje mnohim pomocnikam, kotřiž steja nam křižerjam wob­stajnje při přihotach a w běhu njedźele poboku. K tomu słušeja ći, kotřiž wobchad rjaduja abo wsy wupyša.“ Tak je Pěske­čan křižerjow z awtom přewodźał a jich z pitnej wodu zastarał.
Wotrow (SN/MWj). Nad wulkotnym wjedrom smědźachu so Wotrowscy křižerjo hižo rano wjeselić, jako wokoło polow před Jaworu do połneho słónca jěchachu. Připołdnju je potom kapłan dr. Jens Buliš 114 křižerjow na jich puć do Njebjelčic wužohnował, dweju mjenje hač loni. Mjez nimi bě dejmantny jubilar Feliks­ Buk, kiž 60. raz sobu jěchaše. Dale wuhladachu syły přihladowarjow třoch slěbornych jubilarow a dweju nowačkow.
wozjewjene w: Lokalka

Galerija

dalši wobraz (1) Po rozpušćenju klóšterskeho procesiona su w Swinjarni, jako tamniši křižerjo domoj přijěchachu, restawrowanu postawu swj. Bosćana poswjećili.
dalši wobraz (2) Při kónčnym nyšporje je we Wotrowje prěni raz hłowa procesiona před zachodom cyrkwje stała.
dalši wobraz (3) We Wotrowskim procesionje je Feliks Buk 60. raz sobu jěchał.
Prošu přizjewće so, chceće-li komentar podać

nawěšk

nowostki LND