„Serbja su Europjenjo a dźěl kulturneho herbstwa“

pjatk, 24. meje 2019
artikl hódnoćić
(0 )
Benjamin Wirth, Constanze Krehl a Měrćin Krawc (wotlěwa) Foto: SN/Hanka Šěnec Benjamin Wirth, Constanze Krehl a Měrćin Krawc (wotlěwa) Foto: SN/Hanka Šěnec

Budyšin (SN/bn). „Wuhlady na zwoprawdźenje nutřkowneho samopostajenja małych ludow w Europskej uniji“ bě hesło zjawneje rozmołwy, zarjadowaneje srjedu wot krajneho dźěłoweho kruha Serbja w sakskej SPD w Budyskim běrowje strony. Předsyda poradźowaceho gremija Benedikt Dyrlich witaše přitomnych zajimcow a předstaji skrótka wosebiteho hosća wječora, wjelelětnu zapósłanču Europskeho parlamenta a čłonku wuběrka za regionalne wuwiće Constanzu Krehl z frakcije Progresiwna alianca socialdemokratow (S&D). Do diskusije poda předstejićel Budyskeje SPD dr. Měrćin Krawc z něhdźe štwórćhodźinskim přednoškom na zakładźe hesła zarjadowanja swój wid na aktualne połoženje Serbow. „Wo potłóčowanju na zbožo wjace rěčeć njetrjebamy, přiwšěm smy wot woprawdźiteje swobody daloko zdaleni. Na přikład nastupajo financowanje a šulstwo smědźa Serbja drje próstwy stajić, naposledk pak roz­sudźa němske gremije. Hinak zwuraznjene mam tuchwilny poćah mjez wjetšim a mjeńšim ludom za podobny mjez maćerju a dźěsćom.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND