Kulowscy měšćanscy radźićeljo wobsydstwowe prašenje rozrisali

Kulow (AK/SN). Kapałce w Salowje a Hózku přeńdźetej do wobsydstwa Kulowskeje katolskeje wosady. „To je wobsahowje a prawnisce najlěpše rozrisanje. Na te wašnje so wjelelětne prócowanja wosady wuspěšnje skónča“, rjekny měšćanosta Markus Posch (CDU) na srjedownym posedźenju Kulowskich měšćanskich radźićelow. Jednohłósnje woni rozsudźichu, wobě kapałce darmotnje do wobsydstwa wosady přenjesć.