Budyski sejmik dźěłać započał poručenje

wutora, 13. awgusta 2019
artikl hódnoćić
(0 )
Krajny rada Michael Harig (CDU, srjedźa) je wčera na konstituowacym posedźenju noweho Budyskeho wokrjesneho sejmika wokrjesnych radźićelow spřisahał. Serbscy radźićeljo kaž Wincenc Baberška, Dawid Statnik (wobaj CDU), Jan Budar (SWZ) a Hajko  Kozel (Lěwica, wotlěwa) su přisahu w serbskej rěči złožili.  Foto: SN/Hanka Šěnec Krajny rada Michael Harig (CDU, srjedźa) je wčera na konstituowacym posedźenju noweho Budyskeho wokrjesneho sejmika wokrjesnych radźićelow spřisahał. Serbscy radźićeljo kaž Wincenc Baberška, Dawid Statnik (wobaj CDU), Jan Budar (SWZ) a Hajko Kozel (Lěwica, wotlěwa) su přisahu w serbskej rěči złožili. Foto: SN/Hanka Šěnec

Serbscy wokrjesni radźićeljo w swojej maćeršćinje spřisahani

Budyšin (SN/at). Nowy sejmik Budyskeho wokrjesa je so wčera w sprjewinym měsće konstituował. Jemu přisłuša 98 wo­krjesnych radźićelow a krajny rada Michael Harig (CDU). Wón je 93 přitomnych radźićelow spřisahał, na dobro wo­krjesa skutkować a škodu wot njeho wotwo­broćeć. Michael Harig připowědźi spři­sahanje w bloku w němskej a prěni raz na samsne wašnje w serbskej rěči. Wón předčita němski tekst, kotryž wjetšina wokrjesnych radźićelow wospjetowaše. Na to je Regina Krawcowa, wo­krjesna społnomócnjena za serbske na­lež­nosće, samsny wobsah serbsce přednjesła, a čłonojo frakcije CDU Wincenc Baberška, Dawid Statnik a dr. Robert Böhmer kaž tež radźićelej Serbskeho wolerskeho zjednoćenstwa Jan Budar a Lěwicy Hajko Kozel jón wospjetowachu. Dwurěčne spřisahanje je nowosć w sta­wi­­znach Budyskeho wokrjesneho sejmika.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Serbska lajska dźiwadłowa skupina Šunow-Konjecy je swoju nowu komediju "Ludźo njedźiwaće so" 9. nowembra prapremjernje w Šunowskej Fabrikskej hospodźe předstajiła. tule namakaće někotre impresije z inscenacije. 

Tohorunja tón kónc tydźenja su w Ketl

nowostki LND