Na stawizny dopominać

srjeda, 14. awgusta 2019
artikl hódnoćić
(0 )
Na tymle městnje před kulturnym domom wosrjedź Koslowa ma pomnik nastać, kotryž ma na struchłe podawki za čas Druheje swětoweje wójny we wsy dopominać.  Foto: SN/Maćij Bulank Na tymle městnje před kulturnym domom wosrjedź Koslowa ma pomnik nastać, kotryž ma na struchłe podawki za čas Druheje swětoweje wójny we wsy dopominać. Foto: SN/Maćij Bulank

Hižo dlěje hač dwě lěće prócujetej so Koslowčance Wórša Pašcyna a Lucija Grellertowa wo pomnik w swojej ródnej wsy. Dopominać ma wón na struchły čas a na wjesnjanow, kotřiž njejsu so z Druheje swětoweje wójny nawróćili.

Třinaće Koslowčanow je za čas Druheje swě­toweje wójny zwonka domizny žiwjenje přisadźiło. Na nich ma pomnik do­pominać, ale tež na bitwy we wsy kónc hrozneje wójny 1945. Měnitej, zo njeměli na stawizny zabyć, dokelž tež dźensa měr na swěće garantowany njeje. Pomnik měł zdobom napominać hidu a sebičnosć njedopušćić.

Wórša Pašcyna a Lucija Grellertowa pak nochcetej měć pomnik podobny tym, kotrež na wsach powšitkownje widźimy. „Chcemy wuměłsku twórbu, kotraž ze swójskim wurazom na dóńt wsy a wjesnjanow pokazuje. Pomnik ma so orientować na začuću wo spomnjeću dźensnišeho časa“, wonej rozłožujetej. Póńdźe-li po planje iniciatorkow, bychu pomnik klětu w Koslowje postajili – 75 lět po surowych wojowanjach we a wokoło Koslowa.

wozjewjene w: Lokalka
Prošu přizjewće so, chceće-li komentar podać

nawěšk

  • Sernjany su swoju róčnicu prěnjeho naspomnjenja wsy před 600 lětami z wosebitym wjesnym swjedźenjom wuspěšnje woswjećili. Tule nańdźeće někotre fotowe impresije wo tym:
Zerna feierte unlängst die Ersterwähnung des Ortes vor 600 Jahren mit einem beson

nowostki LND