Pad swójby z Jaseńcy móhł změnu wustawkow wuskutkować
Drježdźany/Jaseńca (mdź/SN). Drježdźanske zarjadniske sudnistwo je so póndźelu z padom serbskeje swójby z Jaseńcy přećiwo Budyskemu wokrjesej wo wróćopłaćenje pozdatnje přewjele płaćenych wudawkow za šulerski transport zaběrało. W lěće 2016 chodźeše Ludwig Budar na Ralbičansku wyšu šulu. Za jězbu z busom dyrbještaj jeho staršej 27,40 eurow měsačnje płaćić – za Ludwigowu dwě lěće staršu sotru Elisu pak za samsny cil jenož 13 eurow. Krajnoradny zarjad bě tehdy swoje wustawki za šulerski transport změnił. Budarjecy běchu potrjecheni a mějachu tuž za jedne dźěćo wjac płaćić hač za tamne. Za nich je to „hotowy njezmysł“, a tak sej dźěl pjenjez wróćo žadaja.