Slepo (CK/SN). Němsko-serbski šulski kompleks Dr. Marja Grólmusec – wonka je mjeno hižo připrawjene, nutřka na chódbach wuhotuja twarjenje hišće z dwurěčnymi tafličkami. Po třoch lětach twarskeho časa je nowotwar Slepjanskeho šulskeho kompleksa w kónčnej fazy. Hač do kónca oktobra, tak rozłožuje nawoda Slepjanskeho twarskeho zarjada Steffen Seidlich, maja twarske naprawy w cyłku wotzamknjene być. Hač do kónca lěta přewjedu wšitke techniske kontrole, runje tak kaž činja to krajny młodźinski zarjad, hygienowy zarjad a dalše.