Rjany koparski swjedźeń

srjeda, 18. septembera 2019
artikl hódnoćić
(0 )
Ze 17 lětami je Tobias Eisenhuth najmłódši kopar na hrajnišću    Foto: Georg Zielonkowski Ze 17 lětami je Tobias Eisenhuth najmłódši kopar na hrajnišću Foto: Georg Zielonkowski
Hižo připowědźenje prezidenta FC Energije Wernera Fahle, zo přijědźe zwjazkowy koparski ligist Borussia Dortmund na beneficnu hru do Choćebuza, bě so na sobustawskej zhromadźiznje FCE wo hoberski přiklesk postarało. Jako pak so hrajerjo a zamołwići BVB před tunl na hrajnišćo k sćoplenju podachu bě přiklesk z wołanjom „Dźakuju, dźakuju, dźakuju, BVB“ hišće wjetši. Tuta wulkotna nalada hosćićelow traješe potom znajmjeńša hišće dwě hodźinje. Samo la ola-žołma, kotruž běchu w Choćebuzu poprawom hižo zabyli, kružeše pjeć razow přez 19 000 přihladowarjow. Žadyn dźiw, zo wupraji jednaćel BVB Hans Joachim Watzke po hrě wulku chwalbu a wulki kompliment: „Mějach w meji wulku sobuželnosć z Energiju, jako jenož jedne wrota za zwostaće w třećej lize pobrachowachu. Tohodla sym krótko po zestupje našu pomoc poskićił. Přez zastup smy prózdnym kasam FCE dźensa trochu pomhali. Na tamnym boku bjerjemy wulkotne zaćišće z Choćebuza sobu do Dortmunda. Smy sympatiskemu sportowemu towarstwu jara dźakowni.
wozjewjene w: Sport
Prošu přizjewće so, chceće-li komentar podać

Serbska debata

nowostki LND