We Łazu pawšalu k sylnjenju wjesnych rumow zaměrnje zasadźeja

Łaz (AK/SN). Gmejna Łaz chce wot Sakskeje připokazanu pawšalu k sylnjenju wjesnych rumow za lěta 2018 do 2020 zmysłapołnje a zaměrnje wužiwać. ­To podšmórnychu čłonojo tamnišeje gmejnskeje rady na swojim zašłym po­sedźenju wutoru we Łazu. 50 000 eurow za lětsa nałoža za zdźěłanje cyłotneho koncepta wo potrjebje saněrowanja a inwesticijow w pěstowarnjach gmejny. 20 000 eurow chcedźa za naprawy w jednotliwych wjesnych dźělach komuny wužiwać. Konkretnje přewostaja Ko­blicam (Koblenz) a Wulkim Ždźaram (Groß Särchen) 5 640 eurow, štož je rada na swojim wutornym posedźenju tež wobzamknyła.