Znowa pozdźe wurunali

wutora, 19. nowembera 2019
artikl hódnoćić
(0 )

SC Borea Drježdźany – SJ Chrósćicy 1:1 (0:0)

Zestawa hosći: Králíček – Bina, Cyž, Sentivan, Henzl, L. Zahrodnik, G. Zahrodnik, M. Zahrodnik, F. Zahrodnik (85. Donat), Zynda (75. Mark), Bogusz

SC Borea steješe do hry na štwórtym městnje tabulki a bě tak wězo faworit na dobyće. Koparjo Chróšćanskeje SJ pak chcychu ličbu pjeć hrow za sobu bjez poražki rady powjetšić.

Na małym kumštnym trawniku dožiwichu přihladowarjo tuž njedawno spočatnje jara wurunanu partiju z mało móžnosćemi. Domjacy drje bóle na nawje­dowanje tłóčachu, njezamóchu pak škit hosći přewinyć. Tež woni z wěsteje defensiwy přeco zaso akcenty sadźachu. Tak měješe Feliks Zahrodnik dobru składnosć z distancy. Po rjanym konteru móžeše wón sam z 19 metrow wotzamknyć, wrotar pak přecentralnje třěleny bul wotpopadny. Zbywacy prěni połčas wotmě so přewažnje w srjedźnym polu, jeničce po standartach nastachu na woběmaj stronomaj zas a zaso małe móžnosće.

wozjewjene w: Sport
Prošu přizjewće so, chceće-li komentar podać

Serbska debata

nowostki LND