Planuja konkretne naprawy předewšěm w ratarstwje

štwórtk, 21. nowembera 2019
artikl hódnoćić
(0 )
Delegacija z Benina je w Njebjelčicach wjele wo komunalnym dźěle pola nas zhoniła. Rady witał je jich wjesnjanosta Tomaš Čornak (naprawo).  Foto: Alfons Handrik Delegacija z Benina je w Njebjelčicach wjele wo komunalnym dźěle pola nas zhoniła. Rady witał je jich wjesnjanosta Tomaš Čornak (naprawo). Foto: Alfons Handrik

Naročnemu a wužadacemu nadawkej stajichu so gmejnscy radźićeljo na swojim oktoberskim zeńdźenju, jako wobzamknychu projekt k wutworjenju partnerskich poćahow mjez Njebjelčanskej gmejnu a komunu Ouidah w zapadoafriskim kraju Beninje.

Njebjelčicy (aha/SN). Hižo wjacore lěta, po tym zo je Njebjelčanski wjesnjanosta Tomaš Čornak (CDU) na mjezynarodnej turistiskej přehladce ITM w Berlinje ze­znał princa Dah Bokpê – mjeztym je wón kral w Ouidah –, haji a wudźeržuje Njebjelčanska gmejna přećelske zwiski do zapadoafriskeho Benina. Jako wopyta minjeny tydźeń štyričłonska delegacija z něhdźe 11 milionow wobydlerjow ličaceho kraja pod nawodom měšćanostki Célestine Clotaire Adjanohoun Njebjelčicy, zetka so wona z wjacorymi gmejnskimi radźićelemi a wuradźowaše wo wobsahu předwidźaneho projekta, wo jeho předstajenju na planowanym zajězdźe delegacije Njebjelčanow wot 6. do 15. decembra do Benina.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND