Hońtwa ludźi znjeměrnjała

srjeda, 29. januara 2020
artikl hódnoćić
(0 )
Na mnohich městnach kaž tule pola Ralbic su zas a zaso na polach wulke črjódy kołpjow widźeć. Pola Rakec běchu je loni nazymu honili a tójšto zatřělili. Z tej naležnosću so nětko samo gmejnska rada zaběra.  Foto: Feliks Haza Na mnohich městnach kaž tule pola Ralbic su zas a zaso na polach wulke črjódy kołpjow widźeć. Pola Rakec běchu je loni nazymu honili a tójšto zatřělili. Z tej naležnosću so nětko samo gmejnska rada zaběra. Foto: Feliks Haza

Gmejnscy radźićeljo so z njewšědnej temu zaběrali

Rakecy (JK/SN). Wulke črjódy kołpjow běchu so loni nazymu na polach njeda­loko Komorowa­ pola Rakec hromadźili a sej tam pólne rostliny słodźeć dali, doniž njewotmě so tam hońtwa na wone wulke běłe ptaki. Nimale 70 z nich ležeše na kóncu hońtwy zatřělenych na polu. To a wobkedźbowanja wobydlerjow wokoło­ wotběha hońtwy wuwołachu wulku diskusiju w Rakecach, haj samo w gmejnskej radźe. Hižo na jeje decemberskim posedźenju prošeše wjesnjan radźićelow a wjesnjanostu Swena Nowotneho (CDU) wo stejišćo k podawkej. Wšelke tukanja běchu wobydlerjow znjeměrnjeli. Te dyrbjachu so korigować.

Swen Nowotny w mjenje radźićelow rjekny, zo je hońtwa na kołpje w tym času dowolena a tak woprawnjena. Njeje pak to nadawk gmejny, hońtwjerjow abo wašnje hońtwy kontrolować. Wězo njeje hońtwa na kołpje za njewobdźělenych najrjeńše dožiwjenje, ale hońtwa měješe po słowach wjesnjanosty zawěsće přičinu a woprawnjeny pozadk. Z tym zdaše so naležnosć wotbyta być.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND