Hudźbne poćahi rozłožowałoj

srjeda, 29. januara 2020
artikl hódnoćić
(0 )
Nimo Ondřeja Šrámeka je w Chróšćanskej putniskej hospodźe tež Lukáš Novosad (stejo) přednošował.  Foto: Feliks Haza Nimo Ondřeja Šrámeka je w Chróšćanskej putniskej hospodźe tež Lukáš Novosad (stejo) přednošował. Foto: Feliks Haza

Chrósćicy (CRM/SN). Z wulkim wjeselom móžeše Monika Gerdesowa minjenu sobotu w swojej putniskej hospodźe zaso jónu dweju přećelow Serbow z Prahi witać. W Čěskej jako kreatiwny hudźbny producent znaty Ondřej Šrámek zhladowaše w swojich wuwjedźenjach na tysaclětne kulturne stawizny, kotrež wuwiwachu so nimale jenak kaž w susodnych krajach. Prěnje zachowane přikłady wot 11. wěka sem su duchowneho razu. Duktus­ hudźby a jeje notacija pokazujetej w tamnišej zažnej dobje na bliskosć ke gregorianice. Starosłowjanski spěw na česć swjateho Wójćecha a runje tak hymnus na swjateho Wjacława tworještaj dołhi­ čas zakład čěskeje hudźby.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND