Atraktiwnosć wsow powjetšić

štwórtk, 30. januara 2020
artikl hódnoćić
(0 )
Měrćin Winar z Radworja, kandidat Swobodnych wolerjow  Foto: Claudia Knoblochec Měrćin Winar z Radworja, kandidat Swobodnych wolerjow Foto: Claudia Knoblochec

1Nimo zawěsćenja šulskeho stejnišća, podpěry młodźiny, wutworjenja noweho bydlenskeho sydlišća je za mnje tež wažne, atraktiwnosć wsow powjetšić. Sym přećiwo nošerstwu našeju šulow přez wokrjes. Tež fuzija z Wulkej Dubrawu za mnje do prašenja njepřińdźe, dokelž potom cuzy rozsudźa što so stawa abo nic. Wojować chcu wo přiměrjenu financnu podpěru našich kubłanišćow přez Saksku. Wumjetowanja w zašłosći běchu, zo šulu na kóšty druhich inwesticijow financuja, štož njetrjechi.

2Ludźo a zamołwići měli lěpje mjez sobu wobchadźeć, wosebje tam, hdźež su tučasnje konflikty, kaž smjerd. Kwalita realiza­cije inwesticijow měła so na kóždy pad polěpšić, zdobom tež žiwjenska kwalita w gmejnje. Tež wobswětlenje, chódniki a lěpša komunikacija mjez gmejnu a wobydlerjemi su zwoprawdźomne. Transparenca dźěła wjesnjanosty ma zasadny zaměr być. Tež zaměrniše spěchowanje našich kulturnych zetkanišćow w gmejnje je wažny wobstatk přichodneho dźěła.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND