Starši žadaja sej swojich dźěći dla wobmjezowanu spěšnosć
Swinjarnja (SN/MWj). Najskerje starši šulskich dźěći w Swinjarni wokomiknje ani tak zli njejsu, zo jich dźěći do šule chodźić njesmědźa. Holcy a hólcy mjenujcy tuž tež šulski bus wužiwać njetrjebaja. Štož bě hač do minjeneho pjatka wšědna normalita, je w Swinjarni strašna wěc. Štóž chce wottam z busom do Pančic-Kukowa abo dale jěć, dźě dyrbi statnu dróhu S 100 přeprěčić, zo by busowe zastanišćo na tamnym boku dróhi docpěł. Dokelž pak na hłownej dróze wosobowe a nakładne awta kaž tež motorske móhłrjec bjez přestawki jězdźa, je to wšo druhe hač jednore.