Jutrońčka raz cyle hinak

wutora, 14. apryla 2020
artikl hódnoćić
(0 )
Wokoło swjateho křiža při Šunowskim křižowanišću zestupa so jutrońčku dopołdnja něhdźe 15 křižerjow a hromadźe z dalšimi wěriwymi jutrowne kěrluše spěwaše a so modleše.  Foto: Marian Wjeńka Wokoło swjateho křiža při Šunowskim křižowanišću zestupa so jutrońčku dopołdnja něhdźe 15 křižerjow a hromadźe z dalšimi wěriwymi jutrowne kěrluše spěwaše a so modleše. Foto: Marian Wjeńka

Wjele dobrych idejow zrodźili a wěru zjawnje wuznawali

Pančicy-Kukow (SN/MWj/JaW). Zo změja jutry 2020 historiski charakter, bě z toho časa wěste, jako bu znate, zo křižerjo tónraz­ jěchać móc njebudu. Mnozy drje wobchowachu sej škričku nadźije, zo so hišće něšto změni, spjelniła pak so wona njeje. Ćim bóle bě wobdźiwajomne, na kak wšelakore wašnje su křižerjo hromadźe z wobydlerjemi přiwšěm jutrowne poselstwo Zrowastanjeneho zjawnje wozjewjeli. Njemóžachu drje je na konju do susodneje wosady njesć, zjawnje zaklinčało jutrowne haleluja přiwšěm na mnohich městnach je.

Tak so na přikład we Wěteńcy woby­dlerjo hižo sobotu wječor po w Serbskim rozhłosu wusyłanych kemšach z Chrósćic na nawsy zhromadźichu a pod kantorstwom Hawštyna Smoły jutrowne kěrluše zaspěwachu. W samsnym času zestupachu so tež wjacore swójby w Róžeńće před swojimi ležownosćemi a zhromadnje kěrluše spěwachu. Mnozy mějachu při tym jutrownu swěčku w ruce a dalši pisachu jutrowne poselstwo z krydu na dróhi.

wozjewjene w: Lokalka

Galerija

dalši wobraz (1) Na wjacorych městnach w Pančicach-Kukowje stejachu wobydlerjo před swojimi domami a zhromadnje jutrowne kěrluše spěwachu. Foto: Marian Wjeńka
dalši wobraz (2) Hromadźe z dalšimi Dźisławkec swójba w Dobrošicach při kapałce spěwaše a so modleše. Foto: Feliks Haza
dalši wobraz (3) Tež tónle mały křižer w Chrósćicach je lětuše historiske jutry sobu dožiwił. Foto: Marian Wjeńka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND