Nadźijomnje to dožiwju

srjeda, 15. apryla 2020
artikl hódnoćić
(0 )
Před lětami sym wjacore razy z Pančic-Kukowa do Budyšina z kolesom na dźěło jěł, a domoj wězo tež. Wjeselo pak to njebě, nic ćělneho napinanja dla, ale dokelž je kolesowanje na statnej dróze S 100 woprawdźe strašne, hdyž mjeńše a wjetše jězdźidła nimo tebje šuskaja. Poněčim wšak mam nadźiju, zo přichodnje tola zaso raz tule čaru na so wozmu. Wšako su runje do jutrow kolesowansku šćežku ze Swinjarnje hač do Zejic dotwarili a po jutrach započachu dalši wotrězk w Błohašecach twarić, kiž ma něhdźe w awgusće hotowy być. To je takrjec mała nadźija, zo budźe kolesowanski puć z Pančic do Budyšina Bóh wě hdy raz dospołnje hotowy. Za to pak pobrachuja hišće wotrězki wot Zejic přez Lejno hač do Prěčec a dale ke kružnemu wobchadej. To je hišće tójšto kilometrow, kotrež dyrbja so najprjedy raz planować a potom tež zwoprawdźić. Hač drje to za čas swojeho dźěłoweho žiwjenja hišće dožiwju? Marian Wjeńka

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND