Naprašowanje přiběra

póndźela, 25. meje 2020
artikl hódnoćić
(0 )
Woblubowana je akcija Čornochołmčanskeho Krabatoweho młyna sej tam butřankowe plincy skazać. Akciju powjedu dale, tež hdyž budźe koronakriza nimo. Anke Stephan plincy pjeće, šef Tobias Čižik je potom wosobinsce rozwozy.  Foto: Gernot Menzel Woblubowana je akcija Čornochołmčanskeho Krabatoweho młyna sej tam butřankowe plincy skazać. Akciju powjedu dale, tež hdyž budźe koronakriza nimo. Anke Stephan plincy pjeće, šef Tobias Čižik je potom wosobinsce rozwozy. Foto: Gernot Menzel

Čornochołmčanski Krabatowy młyn chce butřankowe plincy dale poskićeć

Čorny Chołmc (SN/JaW). Tuchwilu časćišo słyšimy, kajke njelěpšiny je koronakriza wunjesła. Tola wšitko, štož bu w minjenych tydźenjach a měsacach wupječene, zo by so najebać wobmjezowanja koronapandemije něšto hibało, njeje tak špatne, kaž wupada, kaž so na prěni pohlad zda. To su tež sobudźěłaćerjo Čornochołmčanskeho Krabatoweho młyna wokoło Tobiasa Čižika nazhonili. Tam poskićeja mjenujcy wotsrjedź apryla serbske butřankowe plincy a je wuspěšnje wotbywaja. Ideja nasta w ćežkim połoženju korony dla. „Gastronomiske zastaranje je tež pola nas nadobo nimo było. Móžno jenož hišće bě jědźe dodawać abo zo su sej kupcy něšto skazali a sami wotewzali“, rozłoži jednaćel towarstwa Krabatowy młyn Tobias Čižik na naprašowanje. Swoje plincy poskićeja wšědnje wot 11 do 16 hodź., pak na městnje do ruki, pak je na skazanku we wobkruhu 15 kilometrow rozwožuja, abo kupcy móža sej je skazać a sami wotewzać.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND