Z dešćom wočerstwjenje přišło

wutora, 18. awgusta 2020
artikl hódnoćić
(0 )
Horcota zawinuje suchotu. Swoju zahrodu móžeš jenož wuchować, hdyž wšitko prawidłownje krjepiš. Ratarjo pak tole na swojich mjeńšich abo wjetšich zahonach nje­móža. Tohodla bě dźensa dopołdnja w mnohich hornjołužiskich kónčinach wulke wolóženje, zo je so po minjenej nocy znowa dlěši čas dešćowało. Powětr je zaso čisty, proch za krótki čas wjazany. Hrjehorjecy w Dobrošicach su spadki 13 litrow na kwadratny meter naměrili a dźowka Marie je pilnje pomhała, dešćowu wodu ze zběrnika z lijawy do dalšeho suda přepjelnić. Wjeselo nad nachwilnym wochłódnjenjom pak traje ­jenož krótko, wot štwórtka bližimy so zaso 30 stopnjam Celsiusa. Foto: Feliks Haza

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND