KnappenMan so wulkotnje radźił

póndźela, 14. septembera 2020
artikl hódnoćić
(0 )
Marian Žur, triatlet tri-teama-serbja, bě we Łazu jenički Serb, kiž je na olympiskej distancy startował. Foto: Michał Nuk Marian Žur, triatlet tri-teama-serbja, bě we Łazu jenički Serb, kiž je na olympiskej distancy startował. Foto: Michał Nuk

Najebać wšitke njewěstosće a wosebite organizatoriske wužadanja smědźachu na tradicionalny triatlon při Třižonjanskim jězoru tež lětsa sportowcow z cyłeje Němskeje witać. Wjace hač 1 100 wu­trajnostnych sportowčow a wutrajnostnych sportowcow je składnosć wužiło, mjez nimi tež někotři profijojo kaž dwójna Ironman-dobyćerka Maren Hufe, ­lokalny matador Markus Thomschke z Połčnicy a jeho treningowy towarš ­Philipp Bahl­cke. Woni dominowachu sobotu ironmanowu połdistancu (płuwanje 1,9 km, kolesowanje 84 km, běhanje 21,1 km).

Na krótšich čarach wobdźělichu so njedźelu tež třo Serbja. Dopołdnja, při hišće suchim wjedrje, počuchaštaj Matej Wjeńka a Daniel Nuk prěni raz třibojowy powětr na sprintowej distancy. Po 750 metrach we wodźe, 20 kilometrach na kolesu a pjeć kilometrach pěši doběhny­štaj wobaj z mało wotstawkom mjez sobu jako 45. a połstaty w srjedźnym polu do cila.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND