Zajimawostki wo piwarni

štwórtk, 24. septembera 2020
artikl hódnoćić
(0 )
Delnje foto je drje najstarše wo Šunowje, kiž dźensa eksistuje. Swójbni Augusta Franca Wetzlauwa steja před tamnišej piwarnju, a to 1879. Alfons Ryćer Delnje foto je drje najstarše wo Šunowje, kiž dźensa eksistuje. Swójbni Augusta Franca Wetzlauwa steja před tamnišej piwarnju, a to 1879. Alfons Ryćer

Kónc septembra budźe tomu 120 lět, zo bu piwarnja Šunowskeho ryćerkubła na přeco zawrjena. Wona wobsteješe něhdy z třoch twarjenjow. Běchu to dom za warjenje piwa z piwowej pincu, słodarnja (Malzhaus) a tehdy hižo njewužiwana palencarnja. Přetož tež palenc něhdy na tymle městnje palachu. Piwarnja steješe wuchodnje hrodu njeposrědnje při puću do směra na Konjecy. W lěće 1922 běchu wšitke twarjenja wottorhali.

Dźensa jenož hišće někotre fotografije na něhdyšu Šunowsku piwarnju dopominaja. Na jednej z lěta 1879 widźimy piwarca Augusta Franca Wetzlauwa z mandźelskej a třomi dźěćimi kaž tež z někotrymi přiwuznymi před piwarnju. Najskerje jedna so tu samo wo najstarše foto, kotrež ze Šunowa docyła eksistuje.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Pnačičanski procesion - Die Panschwitzer Prozession.
  • Kulowscy křižerjo - Die Witticheunauer Kreuzreiter.
  • Njebjelčanscy křižerjo – Die Nebelschützer Verkündigungsprozession.
  • Chróšćanski křižerski procesion - Die Crostwitzer Osterreiter.
  • Baćonscy křižerjo - Osterreiter in Storcha
  • Ralbičanscy křižerjo - Die Ralbitzer Osterprozession.
  • Baćonscy křižerjo - Osterreiter in Storcha

nowostki LND