Lessingowe město změje najmoderniši gymnazij

wutora, 29. septembera 2020
artikl hódnoćić
(0 )
Stolětny Kamjenčan Werner Geißler je při połoženju zakładneho kamjenja trójce z hamorom na fundament klepnył.  Foto: Bernd Goldammer Stolětny Kamjenčan Werner Geißler je při połoženju zakładneho kamjenja trójce z hamorom na fundament klepnył. Foto: Bernd Goldammer

Kamjenc (BG/SN). Za nowy přitwar Kamjen­skeho Lessingoweho gymnazija su minjeny pjatk nachwatali zakładny kamjeń połožić. Dołho běchu w měsće a wo­krjesu wo to wojowali, zo so kubłanišćo na swoje starodawne městno załoženja nawróći. „Nětko so to zwoprawdźa a šula budźe modernišo wuhotowana dyžli do toho“, rjekny 1. přirjadnik krajneho rady Udo Wićaz (CDU). Hromadźe z wyšim měšćanostu Rolandom Dantzom (njestronjan) połoži wón kasetu z aktualnymi dokumentami, nowinami a pjenjezami do fundamenta. Trójce z hamo­rom na zakładny kamjeń klepnył je stolětny wobydler Kamjenca Werner Geißler, kotrehož dźěćatstwo a powołanske žiwjenje běštej wusko z Lessingowym gymnazijom zwjazanej. Tam bě wón šuler a pozdźišo hač do wuměnkarskeje staroby wučer.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND