Spominaja zhromadnje na přewrót

srjeda, 30. septembera 2020
artikl hódnoćić
(0 )

Budyšin (SN/MWj). K lětušej 30. róčnicy zjednoćenja Němskeje dožiwi Budyšin wosebitu premjeru. Dźewjeć wšelakich křesćanskich wosadow a iniciatiwow města organizuje 3. oktobra za Budyšanow wjacore zarjadowanja. Aktualnych postajenjow hygieny dla njemóža program za telko ludźi kaž spočatnje předwidźane na Žitnych wikach přewjesć, ale přepołožichu jón na Třělnišćo. Program saha wot kreatiwneje dźěćaceje zaběry přez ekumenisku dźaknu nutrnosć hač k zhromadnemu spěwanju ze swěčkami w ruce.

Kaž organizatorojo informuja, započnje so w 16 hodź. pisany program za dźěći z dźiwadłom, hrami a hudźbu. Pódla budźe law Moki, wot kotrehož dźěći zhonja, kak je před wjace hač 30 lětami murja padnyła a kak móhli špatne murje w dźensnišim wobswěće přewinyć.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND