Na njewjedra so lěpje hotować

póndźela, 26. oktobera 2020
artikl hódnoćić
(0 )

Zaměrowy zwjazk Łužiska jězorina Sakskeje z nowym konceptom

Hamor (AK/SN). Zaměrowy zwjazk Łu­žiska jězorina Sakskeje chce přichodnje zaměrnišo a efektiwnišo planować. Tak chcedźa wočakowanej změnje klimy a jeje­ sćěham lěpje wotpowědować. Tydźenja su k tomu wotpowědny koncept k zwyšenju planowanskeje wěstoty na jězoru a wokoło njeho wobzamknyli. Financować chcedźa naprawu ze srěd­kami fondsa, kiž běchu Zwjazk a zwjazkowe kraje k saněrowanju bywšich hórniskich kónčin wutworili. Zamołwići liča z cyłkownymi kóštami 100 000 eurow. Zaměrowy zwjazk ma 15 000 eurow přinošować. Zbywace 85 000 eurow chcedźa ze spěchowanskeho fondsa wzać. „Wichory w lětomaj 2017 a 2018 su pokazali, zo dyrbimy nastupajo planowanje a posudźowanje rizika pola twarskich objektow na jězorach a wokoło nich nuznje jednać. Přikłady tajkich škodow su mjez druhim płuwace objekty na Bjerwałdskim jězoru kaž tež přistaw a płuwace domy na Lejnjanskim jězoru“, rěka w naćisku wobzamknjenja.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND