Narodk hižo w adwenće steji

srjeda, 02. decembera 2020
artikl hódnoćić
(0 )
We wječornych hodźinach rjenje wobswětleny je w Šunowje Boži narodk před swjatym křižom pódla hodowneho štoma.  Foto: Alfons Handrik We wječornych hodźinach rjenje wobswětleny je w Šunowje Boži narodk před swjatym křižom pódla hodowneho štoma. Foto: Alfons Handrik

Šunow (aha/SN). Na křižowanišću wo­srjedź Šunowa dopominaja před tamnišim swjatym křižom štyri kamjentne tafle z mjenami w Druhej swětowej wójnje padnjenych wjesnych muži. Na samsnym městnje sadźichu před někotrymi lětami wulku jědlu, kotruž w adwenće ze swěčkami wupyšichu. Ideju za to měješe tehdy Józef Woko. Běše to symbol přihota na hody, na swjedźeń měra a pokoja. Runočasnje bě to napominanje, zo bychu so wojerske rozestajenja po wšěm swěće skónčili.

Šunowčenjo pak chcychu tež zwu­raznić, zo je so hody Jězusdźěćatko narodźiło. Tuž su so před třomi lětami rozsudźili tam tohorunja postajić Boži narodk, kotryž staj Pawoł Rachel a Norbert Völkel w šěrokosći nimale dweju metrow z drjewa wisateje wjerby natwariłoj. Patoržicu stajichu žłobik pódla wulkeho božodźěsćoweho štoma. Wot lońšeho widźiš pak tam hižo w adwentnym času wowcku, wóslika, swjateho Józefa a swjatu ­Mariju dźěćo wočakujo. ­Pokazka to na to, zo swjataj hospodu pytaštaj, kotruž w chuduškej hródźi skónčnje nańdźeštaj.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Pnačičanski procesion - Die Panschwitzer Prozession.
  • Kulowscy křižerjo - Die Witticheunauer Kreuzreiter.
  • Njebjelčanscy křižerjo – Die Nebelschützer Verkündigungsprozession.
  • Chróšćanski křižerski procesion - Die Crostwitzer Osterreiter.
  • Baćonscy křižerjo - Osterreiter in Storcha
  • Ralbičanscy křižerjo - Die Ralbitzer Osterprozession.
  • Baćonscy křižerjo - Osterreiter in Storcha

nowostki LND