Chronist staflowy stab dale dał

pjatk, 05. februara 2021
artikl hódnoćić
(0 )
Po 16 lětach skutkowanja jako měšćanski chronist je Eckehard Paulick tele zastojnstwo Geraldej Svarovskemu přepodał.  Foto: Sascha Hache Po 16 lětach skutkowanja jako měšćanski chronist je Eckehard Paulick tele zastojnstwo Geraldej Svarovskemu přepodał. Foto: Sascha Hache

Biskopicy (SN). Čestnohamtski měšćanski chronist Biskopic Eckehard Paulick je te­le dny symboliski staflowy kij za swoje zastojnstwo Geraldej Svarovskemu dale dał. Wot januara 2005 hač do decembra 2020 bě Paulick časowe dokumenty wo stawiznach města zběrał, pře­by­waše njeličene hodźiny w měšćanskim archiwje a zawostaji tam swoje slědy w mnohich aktowych zwjazkach. Tež w přichodźe drje jeho hdys a hdys w archiwje zetkaš, nětko pak chce so bóle swojej zahrodce wěnować, agilny wuměnkar přeradźi. Wyši měšćanosta Holm Große je so 73lětnemu za wob­šěrne dźěło dźakował, wuzběhujo jeho kulturne, dokumentariske a stawizniske dźěło za město. Na te wašnje je Eckehard Paulick bytostnje k domiznowědnemu slědźenju w regionje přinošował, Große podšmórny.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND