W městach a gmejnach tuchwilu swoje hospodarske plany za lěto 2021 zestajeja. Koronoweje pandemije dla je to wosebite wužadanje, kaž so na přikładźe města Budyšina pokaza.
Budyšin (SN/MWj). Město Budyšin liči w tymle lěće z dochodami 84,3 miliony eurow a z wudawkami 86,9 milionow eurow. Nimo toho planuja z inwesticijemi we wobjimje něhdźe 13 milionow eurow. Po słowach financneho měšćanosty dr. Roberta Böhmera změja tuž prěni raz deficit něhdźe 2,6 milionow eurow. To su něhdźe tři procenty cyłkowneho wobjima etata.
