Wjesne srjedźišćo wsy chcedźa klětu wuhotować

wutora, 16. februara 2021
artikl hódnoćić
(0 )
Nowy adwentny swěčkowy wobłuk w Němcach bě minjene dny póstnisce wuhotowany.  Foto: Andreas Kirschke Nowy adwentny swěčkowy wobłuk w Němcach bě minjene dny póstnisce wuhotowany. Foto: Andreas Kirschke

Němcy (AK/SN). Wjesne srjedźišćo Němcow chce město Wojerecy znowa wu­hotować. „Lětsa zdźěłamy plany, klětu chcemy twarić“, praji nawoda měšćanskeho twarskeho zarjada Dietmar Wolf na njedawnej rozmołwje z wobydlerjemi. Na rozmołwje je so tež wyši měšćanosta Torsten Ruban-Zeh (SPD) wobdźělił. Dohromady zaplanuja něhdźe 300 000 eurow a nadźijeja so 80procentowskeho spěchowanja z programa Leader.

Wažne městno w planach zaběraja nowy­­ adwentny swěčkowy wobłuk, mlo­kowa rampa a městno, hdźež so jutrowničku křižerjo hromadźa. Staru wohnjo­wobornu gratownju chcedźa wottorhać. Nastać maja zelenišća a parkowanske městna kaž tež historiski kamjentny móst. „Wone su runje za Němcy typiske. Nad Wincencowej hrjebju tajki hišće je. Zbytki tychle mostow smy při wutwarje statneje dróhi S 95 přez wjes namakali“, Dietmar Wolf rozłoži.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND