Na ratarskich statokach zhotowjene regionalne wudźěłki su dźeń a požadaniše. Bjez dźiwa, zo mnozy rady k Wawrecom w Małym Holešowje nakupować jězdźa.
Mały Holešow (mwe/SN). Wosrjedź Małeho Holešowa blisko Njeswačidła ma Monika Wawerowa swój dworowy wobchod. Stajnje pjatk wot 11 do 16 hodź. móžeš tam čerstwe žiwidła z domjaceje produkcije a wudźěłki dodawarjow z wokoliny kupować. Tež sobotu wot 9 do 12 hodź. so tam kupcy nawaleja.
