Starši chcyli ideju noweho hrajkanišća zwoprawdźić
Wěteńca/Njebjelčicy (JK/SN). Hižo w lěće 2019 zetkachu so zastupjerjo Njebjelčanskeje gmejny, horstka Wěteńčanow a fachowcy planowanskeho běrowa we Wěteńcy při hrajkanišću, kotrež sej tajke pomjenowanje samo na sebi njezasłuža. Tehdy je planowanski běrow Schubert z Radebeula naćisnył ideju, za kotruž so starši runje tak zahorichu kaž gmejna. Zo bychu ideju tež zwoprawdźili, so starši zwólniwi wuprajichu w swójskej iniciatiwje hrajkanišćo zaso na tajke wukmanić. Gmejna jim pomoc kaž tež spěchowanske srědki přilubi. Nažel je koronapandemija wjetše postupy w naležnosći hrajkanišća dotal znjemóžniła. Ideju pak Wěteńčenjo spušćili njejsu.
