Gmejna Trjebin sobu najbóle wot změnow potrjechena
Trjebin (AK/SN). Na strukturnej změnje we łužiskim brunicowym rewěrje měła Trjebinska gmejna fairnje a sprawnje wobdźělena być. W tajkej wot Wochožanskeje brunicoweje jamy najbóle potrjechenej komunje, kaž w Trjebinje, dyrbjeli projekty gmejny zaměrnje podpěrać. To žadaše sej Trjebinski wjesnjanosta Waldemar Locke (CDU) na srjedownym posedźenju gmejnskeje rady. Kaž wón zdźěli, njeje z wuslědkom widejoweje konferency ze sakskim ministrom za regionalne wuwiće Thomasom Schmidtom (CDU) kónc meje scyła spokojom.
