Postawy wobchowuja legendu za přichod
Bělšecy (CS/SN). Hakle něšto dnjow přeprošeja na horje Lubin stejace postawy sydom serbskich kralow na pućowanje. Budestečanski wjesnjanosta Markus Michauk (OLG) je wobkedźbował, zo bu poskitk hižo přewšo derje přiwzaty. Wosebje swójby ze serbskeho sydlenskeho ruma tam pućuja. „Ideja dobywa na dynamice“, so wón wčera wjeseleše, dopominajo na oficialnym wotewrjenju na nastaće ideje. Judit Heroldowa, mandźelska kamjenjećesarja Markusa Herolda z Bělšec, bě so na sakskim wubědźowanju „Čiń sobu!“ wobdźěliła a dobyła. Dźakowano pjenježnemu mytu móžeše wona projekt zwoprawdźić.
