Wurjadne posedźenje schodow dla

pjatk, 13. awgusta 2021
artikl hódnoćić
(0 )
Na sewjernym boku Budyskeho hrodu chce město schody wobšěrnje saněrować, dokelž su wone dodźeržane. Za to bě wčera wurjadne posedźenje měšćanskeje rady trěbne.  Foto: Carmen Schumann Na sewjernym boku Budyskeho hrodu chce město schody wobšěrnje saněrować, dokelž su wone dodźeržane. Za to bě wčera wurjadne posedźenje měšćanskeje rady trěbne. Foto: Carmen Schumann

Hdyž měšćanske a gmejnske rady wšelake komunalne rozsudy wotstorčić njemóža, dyrbja so radźićeljo wurjadnje schadźować. Tomu bě wčera w Budyšinje tak.

Budyšin (CS/SN). Ze 16 čłonami bě Budyska měšćanska rada wčera runje tak wobzamknjenjakmana. Najebać dowolowy čas běchu radźićeljo k wurjadnemu posedźenju zwołani, dokelž mějachu wo přidatnych wudawkach za saněrowanje schodow na sewjernym boku Hrodu wothłosować. Kaž zamołwići rozłožichu, ma twarska naprawa město planowanych 600 000 eurow nětko 875 000 eurow płaćić. Najwjetši dźěl přidatneje sumy pak je ze spěchowanskimi srědkami zawěsćeny, změrowaše wyši měšćanosta Alexander Ahrens (SPD). Město změje jeničce 6 700 eurow přidatnje zwjesć. Po słowach twarskeje měšćanostki Juliany Naumann pak je tež tale suma wěsta, a to z planowaneje twarskeje naprawy, kotruž přewjesć njemóža. Při tym jedna so wo twar chódnika na Drježdźanskej dróze mjez kupnicu Netto a starym Smoličanskim pućom. Tam njemóžachu trěbne płoniny kupić, tak zo je so město tohole projekta wzdało.

wozjewjene w: Lokalka
Prošu přizjewće so, chceće-li komentar podać

nawěšk