Wojerecy (AK/SN). Prěni raz přeproša město Wojerecy za pjatk, 3. septembra, na Krabatowe wiki w starym měsće. Tam póńdźe na mnohostronske wašnje wo figuru Krabata a jeho historiski pozadk Jana­ Šadowica. Wiki organizuja marketingowe towarstwo Swójbny region Wojerecy, Łužiska hala, Kulturna fabrika a wobydlerska iniciatiwa města Čiń sobu. „Zaměr je, nadregionalny dožiwjenski wjeršk podłu 90 kilometrow dołheho Krabatoweho kolesowanskeho puća two­rić­. Chcemy tež wokolne komuny, rjemjeslnikow, towarstwa a kubłanišća sobu zapřijeć. Móhło-li so město Wojerecy za čłonstwo w Krabatowym towarstwje rozsudźić, by to wažne wuznaće było“, wuswětla zastupjer Kulturneje fabriki Olaf Winkler.